Gjennom etableringa av NO-UK.COM blei arbeidet vidareført, og med tilgang på både kraft og fiber på plass retta New Kaupang fokuset mot areal. Målet var å leggja til rette for ny, kraftkrevjande industri i Rogaland.
Frå lokale initiativ til regional satsing
Tidleg i arbeidet vart det tydeleg at mange av dei aktuelle industriområda var for små til å vera attraktive i ein internasjonal marknad. I 2018 vart difor fleire kommunar i Rogaland inviterte med i ei felles satsing.
New Kaupang har sidan jobba med 14 ulike tomter i regionen, der dei fleste i dag er selde eller under vidare utvikling. Satsinga har vore retta mot fire prioriterte industriområde: datasenter, landbasert oppdrett, hydrogenproduksjon og battericelleproduksjon.
Verdi for kommunar og private aktørar
New Kaupang har ei viktig rolle som bindeledd mellom marknad, kommunar og private aktørar. Gjennom god marknadsforståing og tett dialog bidreg dei til at kommunar og grunneigarar gjer riktige grep til rett tid.
For kommunane handlar dette om å skapa aktivitet og arbeidsplassar, medan private aktørar får støtte til å utvikla og realisera næringsareal. Samarbeidet gjer prosessane meir effektive og målretta.
Arbeid i heile Rogaland
New Kaupang arbeider i dag i heile Rogaland, som del av ein større samanheng på Sørvestlandet. Regionen har gode føresetnader for kraftkrevjande industri, med stor elektrisk produksjon basert på vasskraft, gunstig klima og lang industrihistorie.
Kommunane i samarbeidet har eit godt samspel og ser verdien av utvikling også på tvers av kommunegrenser.
Gjennom New Kaupang blir Rogaland posisjonert for ny industri – med kraft, areal og samarbeid som felles grunnlag.
