Trainee Ryfylke

I eitt heilt år får du jobbe i ei bedrift som passar til utdanninga di – enten i privat næringsliv eller i det offentlege. Du får nyttig erfaring, bygger nettverk og testar ut arbeidslivet i trygge og spennande rammer.

I tillegg blir det samlingar med andre traineear i Ryfylke. Her får du fagleg påfyll og ein sosial arena der du kan dela erfaringar og ha det kjekt.

Meld di interesse for Trainee Ryfylke i skjema under for å halde deg oppdatert på traineestillingar i Ryfylke. 

• Traineen jobbar i di  bedrift i eitt år – med oppgåver tilpassa fagfeltet og dykkar behov.
• Du gir traineen ein mentor – for oppfølging og integrering i arbeidskvardagen.
• Traineen deltek på jamnlege samlingar – organisert av Trainee Ryfylke for nettverksbygging og erfaringsutveksling.
• Du blir med i eit regionalt samarbeid – som gjer dykk synlege for framtidige arbeidstakarar og posisjonerer dykk som ein attraktiv arbeidsplass.

Trainee-programmet i Ryfylke er ope for både privat og offentleg sektor, og alle bransjar er velkomne til å  delta. Ordninga er inspirert av suksessen til Trainee SørVest og Framtidsfylket Vestland, der programmet har tiltrekt seg hundrevis av søkarar kvart år og vore ein viktig rekrutteringskanal for bedrifter i distrikta.

Bedrifter i Ryfylke har no sjansen til å utnytte denne modellen for å sikre seg kompetanse og byggje ein sterk arbeidsmarknad lokalt.

Ny kompetanse: De får ein nyutdanna med oppdatert kunnskap og stor arbeidslyst.
Langsiktig rekruttering:  Mange trainear vel å bli verande i Ryfylke etter programmet.
Kompetansebygging: Traineen kjem med nye perspektiv, innovasjon og utvikling
Sterkt nettverk: De blir ein del av eit fellesskap som satsar på vekst og samarbeid.
Oppfølging og støtte: Det blir arrangert jamnlege samlingar som hjelper traineen å utvikle seg både fagleg og personleg.