Ryfylkekonferansen MOR

Anne-Kat. Hærland er nok mest kjent som komikar mellom anna i Nytt på Nytt, men og at ho har fått den dystre diagnosen retinitis pigmentosa, ein augnesjukdom som truleg kjem til å gjere henne blind utover 50 åra. No engasjerer ho seg innanfor kunstig intelligens (KI) og har gjennom fleire foredrag og podkastar vist stor interesse og kunnskap på området.

Nordahl er i dag rådgjevar innanfor personal og leiing i NAV. Han var i mange år frittalande leiar for NAV Rogaland og før det mellom anna økonomisjef i Hjelmeland kommune. 

Inger Bråtveit frå Suldal debuterte i 2002 med romanen Munn mot ein frosen fjord. For romanen Siss og Unn vart ho i 2008 nominert til Kritikerprisen. Bråtveit har motteke fleire litterære prisar, mellom anna Nynorsk litteraturpris og Bjørnsonstipendet. Før sin litterære karriere hadde ho ein skarp og god penn i Sauldalsposten heilt sidan ho gjekk i ungdomsskulen.

Krochuc kom til Noreg etter krisgutbrotet i Uranina. Ho er utdanna jurist og har tidlegare arbeidd som juridisk rådgivar. Dei siste to åra har ho vore tilsett som rettleiar i NAV Suldal med fokus på integrering og å hjelpe ukrainske flyktningar med økonomi, velferd og å finna jobb. No er ho prosjektleiar for “Alle skal med”.

Heskestad er utdanna sivilingeniør og er engasjert i ein rekke selskaper, mellom anna Norsk Spennbetong i Forsand. Der har dei over 80 tilsette med ulike nasjonalitetar, som jobbar for å skreddarsy element til oppdragsgivar sitt behov.

Therese Ramsland er utdanna medievitar og er ansatt som seksjonssjef IT-systemforvalting og leiar for digital etikk i Stavanger kommune. Kommunen sitt samfunnsansvar for å ta vare på innbyggjarne sitt personvern og at menneske skal få leve det gode livet, er viktig i arbeidet hennar. Målet er at digitalisering skal skje i lys av lovlegheit, etikk og sikkerheit.

Rød har doktorgrad og er samfunnsanalytikar med bakgrunn som demokrati- og fredsforskar. Ambisjonane hans er å bruka fagleg kunnskap, dataanalyse og forteljarkunst til å skapa gode samfunn. I dag arbeider han hjå Rogaland fylkeskommune som rådgjevar ved avdelinga for opplæring, seksjon regional kompetanse.

LinkedIn-profil til Espen Geelmuyden Rød

Jon Terje Aksland er produktsjef i Uni Micro AS, som er ein av Noregs leiande aktørar innan rekneskapssystem. Ved å bruke nytenkande og forsterka teknologi og på same tid ha lang erfaring i bransjen, kombinerer selskapet det beste frå begge verder.

LinkedIn-profil til Jon Terje Aksland

Irene Heng Lauvsnes er rådsordførar i Ryfylkerådet, ordførar i Strand kommune og vararepresentant på Stortinget for Høgre. Ho er utdanna ingeniør innan akvakultur og brenn for næringsutvikling i Ryfylke. Når ombodsrolla ikkje tek all tida hannar, jobbar ho som salsleiar i Skretting.

LinkedIn-profil til Irene Heng Lauvsnes

Alf Aadnøy er forretningsutviklar og prosjektleiar i Næringshagen i Ryfylke. Han har lang erfaring frå bedriftsetablering og bedriftsutvikling, omstillingsarbeid, kvalitetssikring, design, IT, digitale prosessar og automatisering.

LinkedIn-profil til Alf Aadnøy

Den yngste ordføraren i Norge tok plass i ordførarstolen hausten 2023. Akkurat ferdig med vidaregåande skule, har han tatt på seg oppgåva å leie det politiske arbeidet i heimkommunen.

LinkedIn-profilen til Håvard Handeland

Ishita Barua er lege og har doktorgrad i kunstig intelligens i medisin. Ho er ein premiert AI-forskar og har vore gjesteforskar ved Harvard Medical School. Ho er også kåra til ein av Noregs 50 fremste Tech-kvinner. Ho er forfattar av boka “Kunstig intelligens reddar liv – AI er dei nye superkreftene til legane”.

LinkedIn-profil til Ishita Barua

Brynjar Andersen Saus er utdanna sivilingeniør og har bakgrunn frå politikken. I TASIC arbeider han mellom anna med simulering for forskingsformål og har den siste tida vore involvert i prosjekt relatert til digitale tvillingar både for teknologi- og samfunnsutvikling.

LinkedIn-profil til Brynjar Andersen Saus

Nessa har en mastergrad i dokumentarproduksjon frå Universitetet i Stavanger og ein B.A. i statsvitskap, i tillegg til årsstudium i journalistikk og videoproduksjon. Ho har sidan 2002 arbeidd i TV, radio og med filmproduksjon, og har lang erfaring både framføre og bak kameraet. I tillegg er ho styreleiar i Pårørendesenteret og Ryfylkemuseet.

LinkedIn-profil til Eli Nessa

Ueland er ein erfaren politikar – han har vore ordførar i Sola kommune i åtte år, samt hatt sete i fylkestinget i fire og frå 2023 tok han plass som fylkesordførar i Rogaland fylkeskommune.

LinkedIn-profil til Ole Ueland

Bonolo Ramphomane-Aandahl kom som innvandrar til Suldal i 2010 som sandvolleyball-trenar på den vidaregåande skulen i 2010. I dag er ho mellom anna dagleg leiar av Suldal Bad og driv serveringsstaden Brunsj på Sand. Ho har og engasjert seg i politikken i kommunen.

Bjørn har bakgrunn frå privat næringsliv og han har brei erfaring frå omstilling og endringsleiing. I over 25 år har han vore oppteken av å nytta moglegheitene som det digitale skiftet for å forbetra tenestetilbodet. Bjørn har leidd fleire digitaliseringsprosjekt både som prosjekteigar og prosjektleiar.

LinkedIn-profil til Bjørn Wigdel

Ingvild Erøy Prestårhus, er ein ung gründer frå Erfjord. Ho er utdanna innan media og kommunikasjon og driv mellom anna selskapet Kakadu AS som har som mål å bidra til reduksjon i digitalt utanforskap. Ho driv og Himom – som tilbyr unike overnattingsopplevingar på garden sin i Erfjord.

LinkedIn-profil til Ingvild Erøy

Lisa Jane Stornes er lektor ved Sauda vidaregåande skule og blei i 2023 kåra til årets nettpedagog. Ho har alltid hatt interesse for det digitale og er spesielt interessert i korleis ein kan bruka kunstig intelligens som verktøy i skulen.

LinkedIn-profil til Lisa Stornes

Aksel Braanen Sterri er fagsjef i Langsikt og ansvarleg for analysane og politikkutviklinga til tankesmia. Han er utdanna statsvitar og filosof og har lenge arbeidd i skjeringspunktet mellom økonomi, politikk og etikk. Aksel har undervist i KI-etikk ved Harvard University, University of Oxford og Universitetet i Oslo.

Linkedin-profil til Aksel Braanen Sterri