Eige opplegg for Ryfylke
Ungdomsstyret i Ryfylke IKS har lenge hatt eit mål om å få på plass eit traineeprogram i regionen. Med støtte på 1 million kroner frå ordninga Berekraftig omstilling i Rogaland er satsinga no ein realitet. Løysinga vart å bli med i Trainee SørVest, som allereie er eit sterkt etablert program med stor nasjonal rekkevidde. Med ein ekstra «Ryfylkepakke» får traineear oppleve regionen på sitt beste, medan arbeidsgivarane får marknadsført seg mot eit breitt felt av ambisiøse og dyktige søkjarar frå heile landet.
«Ryfylkepakken» består av ekstra samlingar og aktivitetar som viser fram både næringslivet og livskvaliteten i Ryfylke. Målet er at traineear ikkje berre skal få spennande arbeidserfaring, men òg bli kjent med moglegheitene i regionen – som ein stad å leve og bu.
Behov for fleire bedrifter
For å lukkast med satsinga treng me fleire bedrifter i Ryfylke som vil ta imot traineear. Dette er ei unik moglegheit til å sikre ny kompetanse, styrke rekrutteringa og samstundes bidra til å gjera Ryfylke til ein enda meir attraktiv arbeidsregion. Me oppmodar både bedrifter og kommunar til å melde seg på og gi nyutdanna sjansen til å starte arbeidslivet i Ryfylke.
Meld di interesse for Trainee Ryfylke her
Om Trainee SørVest
Trainee SørVest vart etablert i 2019 av Næringsforeininga i Stavanger-regionen og Universitetet i Stavanger. Programmet varer i eitt år og kombinerer praksis i bedrift med fagleg utvikling gjennom månadlege samlingar.
Kvart år søkjer fleire hundre nyutdanna frå både norske og internasjonale universitet og høgskular, og 9 av 10 traineear får tilbod om fast jobb i bedrifta etter avslutta program.
Kontaktperson for Trainee Ryfylke
Andrea Hebnes Tobekk
Andrea@ryfylkeiks.no
