Nytt styre på plass i Ryfylke IKS

Ryfylke IKS har fått nytt styre. Det nye laget har brei erfaring frå både næringsliv, politikk og offentleg sektor, og skal vera med å vidareutvikla arbeidet for eit sterkare og meir framtidsretta Ryfylke.

Styret som ser på kamera og smiler

Styreleiar Eirik Daniel Fatnes peikar på at styret er sett saman for å dekkja dei viktigaste områda Ryfylke IKS arbeider med. Styret har både økonomisk kompetanse, god kjennskap til offentleg forvaltning og erfaring frå privat næringsliv. Dette gir eit godt grunnlag for å kunna jobba strategisk og målretta med regional utvikling.

Dette er det nye styret i Ryfylke IKS

Eirik Daniel Fatnes, styreleiar

Nina Othilie Høiland, nestleiar

Kristoffer Amdal, styremedlem

Janne Johnsen, styremedlem

Aslak Moe, styremedlem

Laila Steine, vara

Fleire av medlemma sat også i førre styre, noko som gir kontinuitet i arbeidet. Samtidig tilfører nye styremedlemmer ny kompetanse og nye perspektiv. Samansetjinga blir omtalt som både kompetent og utfyllande, med ei brei forståing for både næringsliv, politikk og kommunal drift.

Strategi og prioriteringar

Styret har alt gjennomført strategisamling for å leggja eit felles grunnlag for arbeidet vidare. Målet har vore å skapa ei felles forståing av rolla styret har, og kva retning selskapet skal ta framover.

Det er sett opp ein ambisiøs møteplan, med seks styremøte i året i tillegg til strategisamling. Dette skal leggja til rette for tettare oppfølging av arbeidet i Ryfylke IKS og eit meir aktivt styre.

Representantskapet har vedteke ein ny strategi for selskapet, der tre hovudområde er løfta fram som særleg viktige: næring, rekruttering og mobilitet. Arbeidet med ungdom, kompetanse og tilflytting er allereie godt i gang, og styret ønskjer å halda trykket oppe på desse områda. Samtidig blir det lagt vekt på å styrkja samarbeidet mellom kommunane og næringslivet gjennom betre samordning og felles møteplassar.

Rolle og ansvar

Styret har ansvar for at Ryfylke IKS blir drive i tråd med lovverk, økonomiske rammer og vedtatte planar. Dette inneber både å følgja opp økonomi og drift, og å sjå til at selskapet leverer på dei føringane og måla som eigarane har sett.

Eit viktig arbeid framover blir også å tydeleggjera rolla mellom eigar, styre og administrasjon, slik at ansvar og forventingar er klare.

Felles mål for regionen

Styret i Ryfylke IKS ønskjer å bidra til utvikling i heile Ryfylke, men har også blikk for at regionen er samansett av kommunar med ulike utfordringar og moglegheiter. Difor blir det viktig å ta omsyn til lokale behov, samstundes som ein jobbar mot felles mål på regionalt nivå.

Den overordna ambisjonen er å bidra til at Ryfylke framstår som ein attraktiv stad å bu og arbeida, med eit levedyktig næringsliv og gode moglegheiter for unge som ønskjer å etablera seg i regionen.

Med nytt styre på plass og ein klar strategi for arbeidet vidare, står Ryfylke IKS godt rusta til å ta fatt på oppgåvene som ligg framfor.

Fleire nyheiter

Har de vurdert trainee? No er tida inne for å ta ein prat!

Har verksemda di behov for ny kompetanse og friske perspektiv? Gjennom Trainee Ryfylke kan de tilsetja ein nyutdanna som bidreg i verksemda, og samtidig tilby eit regionalt utviklingsprogram med fagleg påfyll og nettverk. Det er framleis mogleg å bli med, og de treng ikkje ha alle svara klare før de…

Les meir
Portrettbilde

– Ryfylke IKS må våga å ta større plass

Ryfylke IKS må utfordra etablerte tankesett og ta ei tydelegare rolle i utviklinga av regionen. Det meiner dagleg leiar Ingrid Roth, som har store ambisjonar for framtida til Ryfylke.

Les meir
Deltakarar KI+MI

KI-verktøya er her. Har verksemda ein plan?

Nesodden kommune kartla nær 90 arbeidsprosessar før dei valde kvar dei skulle satsa. Kva bør di verksemd prioritera? Eit nytt leiarprogram i Ryfylke skal hjelpa leiarar og nøkkelpersonar med å setja retning for KI-arbeidet og byggja sitt eige vegkart.

Les meir