Ryfylke utdanningssenter søkjer dagleg leiar

Ryfylke utdanningssenter IKS søkjer ein engasjert og utviklingsorientert dagleg leiar som vil vere med å byggje opp og vidareutvikle senteret som ein viktig aktør for kompetanseutvikling i Ryfylke-regionen.

Foto: fjord og fjell i høstdrakt i Ryfylke
Foto: Jan Nordtveit

Om stillinga

Ryfylke utdanningssenter IKS er eit nystarta interkommunalt selskap som skal leggje til rette for desentralisert og fleksibel utdanning innan fagskule og høgare utdanning i Ryfylke.

Arbeidslivet i regionen har eigne behov for kompetanse, og utdanningssenteret skal bidra til å møte desse behova ved å tilretteleggje for relevant utdanning og kompetanseheving. Viktige arbeidsoppgåver er òg å mekle fram utdanningstilbod i kontakt med tilbydarar av utdanning, og på den måten kople tilbod og etterspurnad. I tillegg skal senteret vere ein lokal møteplass for utdanning, med støtte til studentane både fagleg og sosialt.

Ryfylke utdanningssenter IKS søkjer ein engasjert og utviklingsorientert dagleg leiar som vil vere med på å byggje opp og vidareutvikle senteret som ein viktig aktør for kompetanseutvikling i Ryfylke-regionen. Stillinga kombinerer fagleg arbeid og strategisk leiing, noko som inneber at du i tillegg til dagleg drift òg vil arbeide med rådgjeving og utviklingsprosjekt knytte til utdanningstilbod i regionen. Som dagleg leiar har du ansvar for framdrift og strategi, personalleiing og utvikling av utdanningstilbod i tett samarbeid med kommunar, næringsliv og utdanningsaktørar.

Stillinga har kontorstad på Hjelmeland, men inneber utadretta arbeid i heile Ryfylke – og du kan bu kvar som helst i regionen.

Arbeidsoppgåver

  • Om lag 50 % av stillinga vil vere ordinære rådgjevaroppgåver
  • Utvikle Ryfylke utdanningssenter IKS i tråd med mål og strategiar, og sikre gjennomføring av pågåande utviklingsprosjekt
  • Leggje til rette for å dekkje framtidas kompetansebehov i regionen og utvikle nye, relevante studietilbod
  • Sikre måloppnåing, resultatoppfølging og gjennomføring av prosjekt og utviklingsarbeid, samt delta i nasjonale nettverk
  • Delta i planlegging og gjennomføring av løpande utdanningstilbod
  • Etablere gode relasjonar og ha tett dialog med styret, eigarkommunane og privat næringsliv
  • Personalansvar for tilsette ved Ryfylke utdanningssenter IKS

Kvalifikasjonar

  • Erfaring frå strategisk utviklingsarbeid
  • Administrativ og økonomisk kompetanse
  • God kjennskap til næringslivet og utdanningssektoren
  • Gode munnlege og skriftlege framstillingsevner
  • Relevant universitets- eller høgskuleutdanning
  • Relevant erfaring frå utdanningssektoren, næringslivet eller offentleg sektor

Personlege eigenskapar

  • Evne til å arbeide strategisk og politisk på nasjonalt, regionalt og lokalt nivå
  • Målorientert, kreativ og inkluderande
  • Gode evner til å byggje relasjonar
  • Stor interesse for nettverksbygging
  • Personleg eignaheit vil bli vektlagt

Me tilbyr

  • Løn etter avtale
  • Høve til å vere med og starte opp og utvikle eit framtidsretta utdanningstilbod for Ryfylke

Vil du søkja på stillinga? Sjå full utlysing og søk via Finn.no

Søknadsfrist er 7. november.

Fleire nyheiter

Har de vurdert trainee? No er tida inne for å ta ein prat!

Har verksemda di behov for ny kompetanse og friske perspektiv? Gjennom Trainee Ryfylke kan de tilsetja ein nyutdanna som bidreg i verksemda, og samtidig tilby eit regionalt utviklingsprogram med fagleg påfyll og nettverk. Det er framleis mogleg å bli med, og de treng ikkje ha alle svara klare før de…

Les meir
Portrettbilde

– Ryfylke IKS må våga å ta større plass

Ryfylke IKS må utfordra etablerte tankesett og ta ei tydelegare rolle i utviklinga av regionen. Det meiner dagleg leiar Ingrid Roth, som har store ambisjonar for framtida til Ryfylke.

Les meir
Deltakarar KI+MI

KI-verktøya er her. Har verksemda ein plan?

Nesodden kommune kartla nær 90 arbeidsprosessar før dei valde kvar dei skulle satsa. Kva bør di verksemd prioritera? Eit nytt leiarprogram i Ryfylke skal hjelpa leiarar og nøkkelpersonar med å setja retning for KI-arbeidet og byggja sitt eige vegkart.

Les meir