Trainee Ryfylke

Trainee SørVest har som mål å tiltrekkje og behalde ambisiøse, nyutdanna kandidatar i regionen gjennom eit kombinert tilbod av arbeid i bedrift og eit fagleg utviklingsprogram på månadsbasis.

Ein trainee er tilsett i bedrifta i eitt år og deltek parallelt i eit rikt fagleg og sosialt utviklingsprogram. Heile 9 av 10 får tilbod om fast jobb etter traineeåret.

No introduserar me Trainee Ryfylke – ein utvida versjon av Trainee SørVest med eit ekstra fokus på nettopp Ryfylke gjennom den unike Ryfylke-pakken.
Formålet er å styrkje tilknytinga til denne unike regionen – slik at fleire vel å bu og jobba her etter traineeåret.

Vil du kickstarte karriera – i hjartet av Ryfylke? Er du nyutdanna eller har opp til tre års arbeidserfaring? Då er Trainee Ryfylke kanskje akkurat det du ser etter!

Gjennom eitt år i ei relevant bedrift får du nyttig erfaring, byggjer nettverk og testar arbeidslivet i trygge, spennande rammer – både i privat og offentleg sektor.

I tillegg blir det samlingar med andre trainear frå heile regionen, der du får fagleg påfyll, nye impulsar og ein sosial arena for å dela erfaringar.

• Du får ein fulltidsjobb i ei bedrift som passar til utdanninga di.
• Du deltek i eit fagleg og sosialt program gjennom Trainee SørVest.
• Du får opplevingar gjennom Ryfylke-pakken, med eigne samlingar og fordelar som løftar traineeåret til noko heilt spesielt.
• Du får tett oppfølgning frå både bedrifta og Trainee Ryfylke.

Som trainee i Ryfylke får du det vesle ekstra som gjer opplevinga komplett:

Ekstra samlingar
I tillegg til dei ordinære månadlege samlingane i Trainee SørVest, får du delta på tre–fire større samlingar i året. Desse løftar fram det beste av regionen – natur, kultur, fellesskap og opplevingar – og styrkjer både det faglege og sosiale nettverket ditt.

Rabatt- og refusjonsordning for opplevingar
Du får tilgang til ei enkel refusjonsordning for lokale opplevingar innan mat, kultur, transport og aktivitetar – slik at du kan utforske Ryfylke på eiga hand og bli kjent med regionen.

Tettare oppfølging
Du får ein eigen kontaktperson i Ryfylke IKS (RIKS) som følgjer deg og bedrifta opp gjennom heile perioden, med faste møtepunkt og støtte undervegs. 

Følg med når nye traineestillingar blir lyste ut – eller få varsel på e-post når dei kjem! Skriv inn e-postadressa di nedanfor for å bli varsla.

Gjennom Trainee Ryfylke får du tilgang til ein ung, nyutdanna og motivert medarbeidar som ønskjer å bu og jobba i regionen. Programmet gir dykk ei god moglegheit til å rekruttere nyutdanna med ny kompetanse – og samtidig bidra til å styrke næringslivet i Ryfylke.

Bedrifter i Ryfylke får no sjansen til å del i ein modell som alt har vore ein stur suksess i SørVest og Vestland – og som kan bli ein nøkkel til å sikre framtidas arbeidskraft lokalt.

• Traineen jobbar i di bedrift i eitt år – med oppgåver tilpassa fagfeltet og dykkar behov.
• De gir traineen ein mentor som bidreg til integrering og oppfølging i arbeidskvardagen.
• Traineen deltek på jamlege samlingar i regi av Trainee SørVest og Trainee Ryfylke.
• De blir del av eit regionalt nettverk av verksemder som samarbeider for vekst og utvikling.

Ekstra samlingar Trainees deltek på tre–fire regionale samlingar kvart år, der fokus ligg på å synleggjere det beste av Ryfylke – natur, næringsliv og fellesskap. 

Refusjonsordning for opplevingar: Programmet inkluderer ein ordning som stimulerer til lokal utforsking og tilhøyrsle – noko som styrkjer sjansen for at traineen vel å bli verande.

Tettare oppfølging frå Ryfylke IKS Ryfylke IKS følgjer opp både bedrift og trainee med jamlege møtepunkt, fagleg sparring og støtte i utviklingsprosessen.

Trainee-programmet i Ryfylke er ope for både privat og offentleg sektor, og alle bransjar er velkomne til å  delta. Ordninga er inspirert av suksessen til Trainee SørVest og Framtidsfylket Vestland, der programmet har tiltrekt seg hundrevis av søkarar kvart år og vore ein viktig rekrutteringskanal for bedrifter i distrikta.

Bedrifter i Ryfylke har no sjansen til å utnytte denne modellen for å sikre seg kompetanse og byggje ein sterk arbeidsmarknad lokalt.

• Tilgang til toppkandidatar: Gjennom Trainee SørVest får de søkarar frå både nasjonale og internasjonale institusjonar.
• Sterk regional profil og lojalitet: Ryfylke-pakken gir traineen ei djupare tilknyting til regionen – og høgare sannsyn for at dei blir verande.
• Win–win for alle: Bedrifta får fersk kompetanse og engasjement, medan traineen får fagleg utvikling og ein sterk start på karrieren. Samstundes byggjer vi eit meir attraktivt arbeidsmiljø for framtida i Ryfylke.

Trainee Ryfylke skal kombinere eit gjennomprøvd traineeprogram med sterk regional forankring – målet er at dyktige kandidatar vel Ryfylke som ein del av framtida si.