Ungdom i Ryfylke

Ungdomsstyret består av medlemmar frå alle alle kommunane i Ryfylke. Styret skal vera ein viktig pådrivar for å auka deltaking av unge i utviklinga av Ryfylkeregionen. Dette inkluderar å bidra til å byggja gode møtestader og å styrkja Ryfylke sin posisjon som ein attraktiv plass å bu og arbeide for ungdom. 

RyRekrutt er ein nettverk- og rekrutteringsfest der ungdom får møte bedrifter frå Ryfylke og oppleva gode konsertar og ha det kjekt saman.

Arrangementet rettar seg mot unge vaksne som bur i regionen, studerer vekke, eller ønskjer å kople seg på det som skjer i Ryfylke. Her får du treffe andre unge og utforske moglegheitene i regionen. 

Neste utgåve av RyRekrutt er under planlegging – meir informasjon kjem hausten 2025. Vil du få beskjed når programmet er klart kan du melda deg på nyheitsbrevet vårt. 

Ryfylkerådet sette 3.juni 2022 ned eit utval av unge frå Ryfylke-kommunane. Utvalet ga innspel til kva som kan gjerast for at regionen skal vera ein god stad for unge å bu og arbeida. Ungdomsutvalet drøfta ulike problemstillingar og lagde ei oppsummering med konklusjonar som vart presentert i ein rapport.

Heim te Ryfylke er ein kommunikasjonsplattform for ungdom i Ryfylke, med mål om å visa fram arbeidsmoglegheiter og kva som skjer i regionen for ungdom. Gjennom Heim te Ryfylke vil får ungdom betre innsikt i kva for jobbar som finst, samtidig som bedriftene blir meir kjende med kva kompetanse og talent ungdommen kan tilby. Prosjektet byggjer vidare på sommarjobben.no og vil bidra til å gjera vegen frå utdanning til arbeidsliv i Ryfylke enklare.  

For å styrka næringslivet i Ryfylke vil me etablera eit trainee-program som koplar ungdom med bedrifter i regionen. Programmet skal gi studentar og nyutdanna eit forpliktande 12-månaders løp der dei får relevant arbeidserfaring, medan bedriftene får utvikla moglege framtidige medarbeidarar.

I tillegg til jobb vil deltakarane få eit sosialt fellesskap gjennom samlingar og nettverksbygging. Målet er å få dei første traineestillingane på plass hausten 2026.

Ungdom i Ryfylke-kommunane kan reisa gratis med kollektivtransport i Rogaland. Her får du informasjonen du treng om ungdomsbilletten.