Ungdom i Ryfylke

Ungdomsstyret består av medlemmar frå alle alle kommunane i Ryfylke. Styret skal vera ein viktig pådrivar for å auka deltaking av unge i utviklinga av Ryfylkeregionen. Dette inkluderar å bidra til å byggja gode møtestader og å styrkja Ryfylke sin posisjon som ein attraktiv plass å bu og arbeide for ungdom. 

Ryrekrutt er ein nettverk- og rekrutteringsfest som arrangerast 15. april på Fiskepiren. Her kan ungdom få innsikt i jobb- og nettverksmoglegheiter i regionen, møte bedrifter og oppleva konsertar med TØFL og Isah. Arrangementet rettar seg mot ungdom som studerer vekke, bur i regionen eller ønskjer å utvida nettverket sitt.

Ryfylkerådet sette 3.juni 2022 ned eit utval av unge frå Ryfylke-kommunane. Utvalet ga innspel til kva som kan gjerast for at regionen skal vera ein god stad for unge å bu og arbeida. Ungdomsutvalet drøfta ulike problemstillingar og lagde ei oppsummering med konklusjonar som vart presentert i ein rapport.

Ungdom i Ryfylke-kommunane kan reisa gratis med kollektivtransport i Rogaland. Her får du informasjonen du treng om ungdomsbilletten.

Heilt Heim er ein kommunikasjonsplattform for ungdom i Ryfylke, med mål om å visa fram arbeidsmoglegheiter og kva som skjer i regionen for ungdom. Gjennom Heilt Heim vil får ungdom betre innsikt i kva for jobbar som finst, samtidig som bedriftene blir meir kjende med kva kompetanse og talent ungdommen kan tilby. Prosjektet byggjer vidare på sommarjobben.no og vil bidra til å gjera vegen frå utdanning til arbeidsliv i Ryfylke enklare. Nettsida vil lanserast hausten 2025. 

For å styrka næringslivet i Ryfylke vil me etablera eit trainee-program som koplar ungdom med bedrifter i regionen. Programmet skal gi studentar og nyutdanna eit forpliktande 12-månaders løp der dei får relevant arbeidserfaring, medan bedriftene får utvikla moglege framtidige medarbeidarar.

I tillegg til jobb vil deltakarane få eit sosialt fellesskap gjennom samlingar og nettverksbygging. Målet er å få dei første traineestillingane på plass hausten 2026.