AquaNext er både ein konferanse og ei utstilling som vil samle sentrale aktørar i akvakulturnæringa globalt og nasjonalt. Det er venta 8000 personar her frå havbruksnæringa, som er ei av dei viktigaste næringane i Ryfylke. På utstillinga blir det presentert det nyaste innan teknologi, løysingar og prosessar. Det vil vera eit mangfald av konferansar og seminar med deltaking frå heile næringa.
I Ryfylke blir det skapt store verdiar og havbruk er den nest største næringa – berre kraftproduksjon er større. Skal oppdrettsnæringa utvikla seg vidare er ny og framtidsretta kompetanse avgjerande.
Blå kompetanse – felles stand for Ryfylke
Ryfylke IKS skal delta på AquaNext med felles stand saman med Høgskulen på Vestlandet, Fagskolen i Rogaland og Strand vidaregåande skule. Saman skal aktørane visa at Ryfylke er ein viktig og stor region innan akvakultur og at det er ei felles satsing for å løfta kompetansen i havbruksnæringa.
Les meir om utdanningstilbod i Ryfylke.
Les meir om AquaNext 2024 på aquanext.no
