Eige opplegg for Ryfylke
Hjelmeland kommune er i gang med å rullere kommuneplanens arealdel. Som del av arbeidet blir det no gjennomført ei kartlegging av eigna areal for framtidig nærings- og industriverksemd. Prosjektet blir leia av Ryfylke IKS/New Kaupang i samarbeid med kommunen og lokalt næringsliv.
Viktig å vere i forkant
– Skal me vere attraktive for etableringar i framtida, må vi ha oversikt over kva areal som faktisk kan utviklast. Difor gjer vi no ein grundig kartlegging, seier Ketil Barkved i Ryfylke IKS.
Han peikar på at prosjektet vurderer ei rekkje faktorar: arealstorleik, reguleringsstatus, energitilgang, vatn og avløp, logistikk og moglegheiter for sirkulære løysingar.
– Det handlar ikkje berre om å finne tomter, men å sikre at dei er framtidsretta og tilpassa behova næringslivet har, understrekar Barkved.
Innspel frå næringslivet
Arbeidet blir organisert som eit prosjekt i tett dialog med næringslivet i Hjelmeland. – Me ønskjer å høyre frå bedriftene: Kva treng dei for å kunne vekse vidare, og kva kan gjere kommunen meir attraktiv for nye etableringar? Det er viktig at næringslivet sjølv får vere med og påverke, seier Barkved.
Frist for innspel
Prosjektet skal munne ut i konkrete forslag til areal som kan innarbeidast i den nye arealdelen av kommuneplanen – både på land, i sjø og i fjell.
Fristen for å kome med innspel er 10. desember 2025.
Send innspel til kommuneplanen på Hjelmeland kommune si nettside
