RyRekrutt blei første gong arrangert 15. april 2025 på Fiskepiren i Stavanger. Målet med arrangementet er å skapa ein sosial møteplass for ungdom mellom 18 og 30 år som ønskjer å knyta kontakt med arbeidslivet i Ryfylke – og samstundes få påfyll av både kultur og inspirasjon.
Arrangementet kombinerer jobb og nettverk med underhaldning og fellesskap, og har blitt til på initiativ frå Ungdomsstyret i Ryfylke.
2025 blei ein fulltreffar
Første utgåve av RyRekrutt samla 247 deltakarar og 36 arbeidsgivarar, og fekk svært gode tilbakemeldingar frå både deltakarar og utstillarar. Med snittscore på over 5 av 6 poeng i evalueringa, vart arrangementet omtalt som både profesjonelt, engasjerande og sosialt.
«Veldig bra laget til. Bra lokasjon og veldig kjekk opplevelse. God stemning og god mat. Vi gleder oss allerede til å være med til neste år :)», seier ein av ustillerane.
Høgdepunkt frå 2025
Arrangementet blei gjennomført i samarbeid mellom Ungdomsstyret, Ryfylke IKS og Næringsforeningen i Stavanger-regionen. Her er nokre av høgdepunkta:
- Sosialt opplegg for utstillarane
- Gratis hotellovernatting for dei første 200 påmelde
- Konsertar med TØFL og ISAH
- Fagleg program og quiz med pengepremiar
- Mat frå Ryfylke og mingling mellom folk frå heile regionen
- Utdeling av MOR-prisen
Ungdomsstyret planlegg RyRekrutt 2026
No har ungdomsstyret starta arbeidet med å planlegge RyRekrutt 2026, og målet er å vidareutvikle suksessen frå årets gjennomføring. På styremøte 4.august blei det drøfta idéar for konsept, innhald, stad og tidspunkt. Det er òg eit mål å styrka samarbeid med arbeidslivet og jobbe med forbetringar frå pilotåret. Ungdomsstyret jobbar no vidare med ein grovplan for 2026, og vil utover hausten dela fleire detaljar.
Vil du vera med neste år?
Er du arbeidsgivar og ønskjer å delta med stand eller som samarbeidspartnar? Eller er du ungdom med gode idéar eller lyst til å bidra? Me vil gjerne høyre frå deg.
Ta kontakt med:
Nina Fjellskaalnes og Andrea Hebnes Tobekk: ryrekrutt@ryfylkeiks.no
